 |
РОДНЫЯ ВОБРАЗЫ
|
|
Вобразы мілыя роднага краю,
Смутак і радасьць мая!..
Якуб Колас
|
|
|
|
|
|
|
|
|
|
Я чую дзіўную музыку:
яна прылятае раптам
з-за сіняга-сіняга мора.
Яна называецца блюзам,
часамі бывае джазам,
рамансам,опернай арыяй,
канцэртам для скрыпкі з аркестрам,
сімфоніяй жытніх палёў
тваёй неабсяжнай Краіны
паміж Усходам i Захадам…
Але заўсёды дарэчы
зьяўляецца гэтая музыка
i перапаўняе сімпатыяй
да поўні на небе, да зораў
i акіяну бязьмежнага
жаночай ахвярнай любові.
Я слухаю вечную музыку:
вунь чорна-чырвоныя дзятлы
іграюць на сухастоінах
i над блакітнымі ф’ёрдамі
клякочуць арлы, трымаючы
высокую ноту жыцьця.
2010
|
|
|
|
Падабаецца
Не падабаецца
|
|
|
2009–2020. Беларусь, Менск.
|
|
|
